Lagae emeloge face melogo kapitai (ngate ta rori ilmu), po suku Sawaye suku fatuysi pobanga tapalole po punue were, bogore suku sawaye eeye suku paradidusi tarfayalsi bogore masawage re bogore ramtatsire po pnuy were, bogore wompo po, Raja empate refetene riri. Refetene rakyate ta menuture rajege, rperna rfajolesi po sultan lii, Tidore masa tancei intendime elemen adat reripoce ipomie inibataselo po kesultanan rerwom, tapio rpefatatancei se rapatene dadipa rduko ngekarajage nacege enio anabuace, booerduke erwomo rapatene po sultan, Tidore li legae cekele bogore, palole ilmune deloi wolete awante ele le empake sole ren nyoge po punuu, akelamo nea atol (Togowai-Tidore) ren segaja iye copene bogore tempiase paluwe tagare womo pualao Tidore.
Patele womo po muka pendopo kesultanan Tidore rer sambuti riri kerabate um loli ta nese neste, legae ren langsunge cange sii tolene po ume ni muka bogore newe-new isowone renakutne” ipopua sultanane je Tidore me badanne menyaki renfabandige iye.... (inibentukene inikebiasanene suku Sawai fabeda reme ngate nese walaupune ngate ngatloli terulauge). Menurute ngate sultane iye ngate tani badanen palole engkangkere rer garange bogore teruse goyange-goyange isowone iye nakutne”sultan ga uam nyakie, faje bogore ren dele karakker suku ente sultane mu nacege wai-wai pomie. Ite riel waktu fanterus wai-wai ndadi Sawai.
Versi tanese refetene lagae Cekele iye wiyome, tantua sultan Tidore ren segaja rfanotei si janate neste tagare, tiselefu fatuwpa iwyome po sultan pai en faje tahune pafise legae nacege ire ipote konon, legae melonge bias ruba inidirije dadi ngatloli supaya duke nruba inidirije dadi ngatloli, supaya rduke womoi dime penyu Halmahera rduke te rkuate ven duke pafise sou goune ngateloli, pafisi punuh face po fapaluno banga po kobe kulo.
Were ren penou Ekor, isowone gowo inte rduke po gow-gow puso pnuw raken po pnuw Saketa, ini gow–gow tafatuwene tiap kali iye nayowe hidupe, lagae Cekele ruba ini tubune dadi ngat loli ren mulai fajale belakane Halmahera, mulai poutara ren poselatane, wompo barate emperna bogore bonfane naroro ni mapine bonnyo yofelu, tapi fata tancei narige bow yotef flwlu, ume sie ren namkoke se iye fane- nyo yufeflu, legae meloge fane wom po punuw raken gane barake menyasale, namlutuwese naftonine inimone, tat fompa ven harape rumbia, welonenyo belakan bet ngate (banga fapaluno po nou were re Kobe).
